Jóga og gönguferðir - Miðnætursól

Uppgötvaðu kraftinn sem býr í íslenskri náttúru yfir sumartímann og leyfðu þér að heillast af miðnætursólinni í Jóga og gönguferðir - miðnætursól

Add to my   • Product ID: 25005
  • Duration:: 6 Days
  • Easy
  • Electronic voucher
  • Pickup available
Friendly cancellation & refund policy
Book online and get instant reservation confirmation
Got Questions?
Chat Live with support

Description

Jóga og gönguferðir að sumri á Íslandi undir miðnætursólinni. Uppgötvaðu kraftinn sem býr í íslenskri náttúru yfir sumartímann og leyfðu þér að heillast af miðnætursólinni. Þegar sólin skín allan sólarhringinn iðar lífið í norðri: þúsundir fugla færa líf í strendur landsins, gróður er í fullum blóma og sólin yljar landinu. Í gönguferðum okkar uppgötvum við fjölbreytileika íslenskrar náttúru og skynjum kraft hennar í jógatímunum okkar.


Næstu ferðir/retreat

  • Dagsetningar 2019:
    16.06 - 21.06.2019
    14.07 - 19.07.2019
    04.08 - 09.08.2019

Verð

  • Tvíbýli: 1680 evrur
  • Einbýli: 1960 evrur
  • tryggðu þér pláss með staðfestingargjaldi 600 evrur

Dagskrá

Sunnudagur: Komið til Akureyrar á eigin vegum

Við komuna til Akureyrar er hægt að slaka á í íbúðunum sem þið gistið í eða jafnvel er hægt að kíkja í Sundlaug Akureyrar og kíkja í heitu pottana og gufubaðið. Klukkan 17 bjóðum við ykkur í stutta ferð um bæinn svo þið getið kynnst Akureyri örlítið betur. Til að bjóða ykkur velkomin í ferðina sem framundan er hér á Íslandi bjóðum við ykkur svo á frábæran grænmetisstað í nágrenni Akureyrar.


Mánudagur: Jóga í miðjum firði

Við byrjum daginn á jógastund innandyra. Snemma síðdegis keyrum við svo eftir vesturströnd Eyjafjarðar til norðurs að ferjunni Sævari. Ferjan mun flytja okkur yfir á eyjuna Hrísey sem liggur fyrir miðjum firðinum. Gengið er að útsýnisstað á eyjunni og er hann talinn einn af orkumestu stöðum Íslands  - fullkominn staður til að hvílast og njóta jógastundar. Að því loknu göngum við áfram meðfram klettabrúninni og fylgjumst með fuglalífinu í eyjunni. Þegar í bæinn er komið er farið í sundlaug með útsýni allt um kring og að lokum er kvöldmatur í eyjunni, fiskiréttur að hætti eyjabúa. Ferjan siglir svo tilbaka undir miðnætursólinni

Göngutími: 1.5-2 klukkustundir


Þriðjudagur: Mývatn - jóga innan um jarðhita

Við byrjum daginn á jógastund innandyra í einn og hálfan tíma. Á hádegi er lagt af stað á einn sérstakasta stað Íslands: Mývatn. Hér er hægt að upplifa einstakan heim innan um eldfjallasvæði með heitum hverum, leirhverum og einstakri litasamsetningu. Fyrsti áfangastaðurinn er Goðafoss þar sem við gerum jógaæfingar á sandströnd. Stuttu síðar komum við að Mývatni. Þar skoðum við fjölbreytt landslagið með stuttum gönguferðum: grænu gígana við Skútustaði, hraunmyndanirnar í Dimmuborgum, flekaskilin og litríkan heim virka eldfjallasvæðisins við Kröflu og í Námaskarði. Að lokum er tími til að slaka á og njóta í Jarðböðunum við Mývatn, sem oft eru kölluð Bláa Lón norðursins. Þar er frábært útsýni til allra átta. Kvöldmaturinn er á kaffihúsi þar sem við njótum matar út héraði með útsýni yfir Dimmuborgir og vatnið áður en haldið er heim á ný til móts við miðnætursólina

Göngutími: stuttar ferðir eða 1.5 klukkustund


Fimmtudagur: Dásamlegt útsýni yfir fjörðinn

Við byrjum daginn á jógastund í einn og hálfan tíma, í yndislegu jógamiðstöðunni okkar. Eftir hádegi er farið í gönguferð í hlíðunum við Akureyri. Á leið þangað stoppum við á fallegum útsýnisstað fyrir jógastund. Þegar komið er á hæsta stað klettanna er hægt að njóta útsýnisins yfir Eyjafjörð og fjöllin allt um kring. Að lokinni lengstu gönguferð vikunnar er keyrt aftur í jógamiðstöðina okkar til að slaka á í SPA-inu okkar. Við ljúkum deginum með kvöldmat á huggulegum veitingastað á Akureyri.

Göngutími: 3 klukkustundir


Föstudagur: Jóga við fossadyn

Við byrjum daginn á síðustu jógastund okkar innandyra, í eina og hálfa klukkustund, og ljúkum þannig jógahringnum. Eftir örlítinn frítíma er keyrt í suðurátt til að kynnast betur nágrenni Akureyrar. Fyrsti áfangastaðurinn er foss sem er falinn í náttúrunni. Gengið er meðfram á og dáðst að fossinum ásamt því að fara yfir það sem gerst hefur í vikunni. Við jógasteininn er hægt að staldra við í síðasta sinn og gleyma stund og stað í jógastöðu. Að því loknu er farið að einu af sex síðustu torfbæjarkirkjum landsins sem veitir innsýn í líf Íslendinga gegnum aldirnar. Því næst er haldið á sveitabæ þar sem framleiddur er ís. Hér gefst tækifæri til að njóta íss í hæsta gæðaflokki sem er framleiddur á staðnum. Það gerist ekki meira beint frá býli en það. Að lokum er keyrt aftur til Akureyrar þar sem val er um að keyra ykkur að rútumiðstöðinni, að gistiheimili (ef ætlunin er að vera lengur á Akureyri) eða á flugvöllinn. Vinsamlegast bókið brottför milli 16 og 18.

Attention points

Gisting
Þú eyðir vikunni í íbúðum okkar á Akureyri, Perlur norðursins, við mikil þægindi. Heitur pottur er við íbúðirnar. Íbúðirnar okkar bjóða upp á tvíbýli og einbýli, ef pláss leyfir.

Ferðir
Allar ferðir eru innifaldar, til og frá rútustöð eða flugvellinum á Akureyri, allar ferðir milli íbúða og jógamiðstöðvarinnar ásamt öllum ferðum í og úr dagskrá dagsins. Sótt er á strætóstöðina við Hof á upphafsdegi kl. 15:30, þaðan er keyrt á flugvöllinn að sækja farþegar þar um 16:30 (ákjósanlegur tími til að bóka) og kl. 18:30 fyrir fjallarútuna hjá SBA og loks kl. 20:30 aftur á flugvellinum.

Komur til Akureyrar á eigin vegum
Þátttakendur koma sér til Akureyrar á eigin vegum.

  1. Frá innanlandsflugvellinum í Reykjavík eða með flugi frá Keflavík (einungis í boði á völdum dögum). Kynnið ykkur flugáætlun hjá Air Iceland Connect
  2. Yfir sumartímann mælum við með strætó og rútu. Þannig nærðu að sjá heilmikið af landinu á leiðinni. Fjallarútan yfir Kjöl er sérstaklega áhugaverð: rútan stoppar hjá Geysi og Gullfossi og heldur svo áfram yfir hálendið og stoppar einnig við Hveravelli, með útsýni fyrir Langjökul. Þar er stoppað nægilega lengi svo hægt sé að njóta heitu lauganna þar. Nánari upplýsingar má finna hjá sba.is

Jóga
Allar jógastundir eru kenndir af Ulricu Seiler. Daglegu jógastundirnar eru 2-3 klukkustundir í heildina og fara fram bæði innandyra og úti í náttúrunni. Vanalega er morguntíminn kenndur innandyra í jóamiðstöðinni okkar og síðdegis er kennt úti í náttúrunni, hvar sem við erum stödd á þeim tíma.

Gönguferðir
Gönguferðirnar leiða þig um fjölbreytt landslagið í Norðurhluta Íslands. Ferðirnar eru fjölbreyttar og standa yfir í 1 og hálfan tíma og allt að þrjá tíma og eru á færi allra. Leiðsögumaður fylgir þátttakendum í öllum ferðum.

Máltíðir
Auðvelt er að útbúa morgunmat í íbúðunum. Þátttakendur ættu að útbúa sér nesti fyrir hádegismat, þar sem ferðirnar eiga sér oft stað á þeim tíma (að undanskilinni ferðinni á Tröllaskaga, þar er hádegismatur innifalinn). Kvöldmatur er ávallt á veitingahúsi eða kaffihúsi í næsta nágrenni

What’s included

  • Tveir daglegir jógatímar: jógastund á morgnana í nútímalegu jógamiðstöðinni okkar og jógastund síðdegis úti í íslenskri náttúru (tekið er mið af ferð og veðri hverju sinni)
    • Gisting í 5 nætur (í tvíbýli eða einbýli, gegn aukagjaldi) í nútímalegum og heillandi íbúðum, í göngufjarlægð frá fallegustu hverfum Akureyrar. Íbúðirnar eru með heitum potti í garðinum til afnota.
    • Ferð út í Hrísey, perlu norðursins, með leiðsögumanni. Innifalið er miði í ferjuna ásamt aðgangi að sundlauginni.
    • Ferð að Mývatni með leiðsögumanni, innifalinn er aðgangur að Jarðböðunum
    • Ferð um Tröllaskaga með leiðsögumanni
    • Ferð að Goðafossi
    • Gönguferð um fjallendi Akureyrar
    • Handklæði og lín
    • Heitur pottur við íbúðir
    • Aðgengi í SPA svæði jógamiðstöðvarinnar einu sinni, með handklæðum (gufa, spa, vellíðunarstofa, heitur pottur utandyra, te og vatn
    • Allar ferðir innan Akureyrar samkvæmt dagskrá (ferðir til og frá flugvellinum á Akureyri)
    • Allar kvöldmáltíðir, með möguleika á grænmetisfæði/vegan fæði (drykkir ekki innifaldir)
    kr 85,000 6 Days , Easy

    Check availability

    Date of Travel

    We accept these major credit cards.

    Cards we Accept

    • No booking fees or any hidden cost.
    • Instant booking directly from supplier.
    • Best price guarantee!

    This site uses a GlobalSign SSL Certificate to secure your personal information.